Oktyabrın 21-də Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyevə telefonla zəng edib.
Elpress.az xəbər verir ki, söhbət zamanı iki ölkə arasındakı münasibətlərin inkişaf perspektivləri, eləcə də regional və beynəlxalq gündəmdəki məsələlər müzakirə olunub.
Rəcəb Tayyib Ərdoğan Azərbaycan ilə Türkiyə arasında qardaşlıq prinsiplərinə söykənən əməkdaşlığın gələcəkdə daha da genişlənəcəyinə əminliyini bildirib. O, Azərbaycanın dövlət müstəqilliyinin bərpasının 35-ci ildönümü münasibətilə İlham Əliyevi bir daha təbrik edib.
Türkiyə Prezidenti həmçinin Azərbaycan dövlət başçısını Ankarada keçiriləcək Türk Dövlətləri Təşkilatının 13-cü Zirvə görüşündə iştirak etmək üçün dəvət edib.
İlham Əliyev telefon danışığına və yubiley münasibətilə ünvanlanan təbriklərə görə Rəcəb Tayyib Ərdoğana təşəkkürünü çatdırıb. Azərbaycan Prezidenti də iki ölkə arasındakı qardaşlıq əlaqələrinin bundan sonra da uğurla inkişaf edəcəyinə inamını ifadə edib.
