Dünya Kubokunun finalında ilk dəfə təşkil olunacaq fasilə şousu hələ başlamamış müzakirələrə səbəb olub. Əfsanəvi “The Cure” qrupunun solisti Robert Smit FİFA-nın “Super Bowl” formatında hazırladığı şounu sərt tənqid edərək onu “çörək və tamaşa” adlandırıb.
Elpress.az xəbər verir ki , Nyu-Cersidəki “MetLife” stadionunda keçiriləcək möhtəşəm proqramın kuratoru “Coldplay” qrupunun solisti Kris Martin olacaq. Şouda Madonna, Şakira, BTS, Castin Biber, Tom Kruz, Cennifer Hadson və Robbi Uilyams da daxil olmaqla dünya şöhrətli ulduzların çıxışı və iştirakı nəzərdə tutulur.Final qarşılaşmasındakı bu yenilik futbol azarkeşləri arasında fərqli fikirlər yaradıb. Bəzi azarkeşlər bunu Dünya Kubokunun həddindən artıq “amerikanlaşdırılması” kimi qiymətləndirir, digərləri isə belə bir şounun finala əlavə rəng qatacağını düşünür.
