Əslən azərbaycanlı müğənni JONY-nin səhhəti ilə bağlı yayılan məlumatlar diqqət çəkib. İfaçıda ailəvi Aralıq dənizi qızdırması (FMF) adlı genetik xəstəliyin aşkarlandığı iddia edilsə də, onun nümayəndələri bu xəbərləri təkzib ediblər.
Elpress.az xəbər verir ki, “Mash” Telegram kanalının yaydığı məlumata görə, Cahid Hüseynliyə əzələ, oynaq və qarın ağrıları, eləcə də yüksək hərarətlə müşayiət olunan FMF diaqnozu qoyulub. İddialara əsasən, müğənni sürətli çəki itkisi və hərarət tutmalarından şikayət edib, sentyabr ayında xəstəxanaya yerləşdirilib. Hazırda müalicəsini evdə davam etdirdiyi bildirilir.
Bununla belə, sənətçinin rəsmi nümayəndələri onun səhhətində problem olmadığını bildiriblər. Beləliklə, xəstəliklə bağlı yayılan məlumatlar hələlik təsdiqlənməyib.
Qeyd edək ki, JONY bu ilin martında səs tellərində yaranan problemə görə konsertlərini təxirə salmışdı. Müğənni daha sonra həkim nəzarətində olduğunu açıqlamışdı.
