Oktyabrın 23-də Yasamal rayonunun bir sıra küçələrində və Abşeron rayonunun Masazır qəsəbəsində elektrik enerjisinin verilişində planlı fasilələr olacaq.
Elpress.az xəbər verir ki, “Azərişıq” ASC təmir və yenidənqurma işləri ilə əlaqədar məhdudiyyətlərin tətbiq ediləcəyini açıqlayıb.
Yasamal rayonunda transformator məntəqəsində təmir, 10 kV-luq hava xətlərində isə naqillərin yenilənməsi nəzərdə tutulur. Bu səbəbdən saat 10:00-dan 13:00-dək Abbas Mirzə Şərifzadə, Əbdürrəhim bəy Haqverdiyev, Əhməd Cəmil, Müzəffər Həsənov, Ümid Əkbərov və Zahid Xəlilov küçələrinin bəzi hissələrində elektrik təchizatı dayandırılacaq.
Bundan başqa, saat 08:00-dan 18:00-dək Xaqani Dadaşov, Kamal Rəhimov, Murad Mirzəyev, Mir Möhsün Nəvvab, Nazim Hacıyev, Rahib Tağıyev və Ümid Əkbərov küçələrinin müəyyən ərazilərində planlı fasilə tətbiq olunacaq.
Abşeron rayonunun Masazır qəsəbəsində isə “Masazır” yarımstansiyasından çıxan 10 kV-luq “Şəhər-2” hava xəttində təmir aparılacaq. Saat 10:00-dan 13:00-dək Azadlıq, İstiqlaliyyət, Qara Qarayev və Sahil küçələrində, eləcə də Zəngilan şəhərciyinin bəzi hissələrində elektrik enerjisinin verilişində fasilə yaranacaq.
Şirkət bildirib ki, işlər başa çatdıqdan sonra qeyd olunan ərazilərin elektrik təchizatının dayanıqlığının artırılması nəzərdə tutulur.
