“Fənərbaxça” klubu komandanın kapitanlarından Mert Hakan Yandaşın müqavilə müddətini daha bir il uzadıb.
Elpress.az-ın Apasport.az-a istinadən verdiyi məlumata əsasən, Türkiyənin “Fənərbaxça” klubu kapitanlarından biri olan Mert Hakan Yandaşla yeni müqavilə imzalayıb. İstanbul təmsilçisi 31 yaşlı yarımmüdafiəçi ilə əməkdaşlığı daha bir il davam etdirmək qərarına gəlib.Klubun yaydığı açıqlamada bildirilib ki, futbolçunun mübariz xarakteri, peşəkarlığı və komandaya sadiqliyi müqavilənin uzadılmasında əsas amillərdən biri olub. Həmçinin qeyd edilib ki, Mert Hakan Yandaş klub sevgisini bir daha nümayiş etdirərək minimum maaş şərtləri ilə yeni müqaviləyə razılıq verib.Qeyd edək ki, təcrübəli yarımmüdafiəçi 2020-ci ildən “Fənərbaxça”nın formasını geyinir və komandanın aparıcı futbolçularından biri hesab olunur.
