Türkiyə hakimiyyəti LGBTQ+ icmasına xidmət göstərən kruiz gəmisinin ölkə limanlarına daxil olmasına icazə verməyib.
Elpress.az xəbər verir ki, Türkiyə hakimiyyəti LGBTQ+ icmasına xidmət göstərən kruiz gəmisinin ölkə limanlarına yan almasına icazə verməyib. Bu barədə CNN telekanalı kruizi təşkil edən “Atlantis Events” şirkətinə istinadən məlumat yayıb.Məlumata görə, iyulun 5-də Yunanıstandan yola düşən “Athens to Venice” kruizi marşrut üzrə əvvəlcə Türkiyənin Kuşadası limanına, daha sonra isə İstanbula səfər etməli idi. Lakin səfər proqramı planlaşdırıldığı kimi həyata keçirilməyib.Bildirilir ki, Türkiyənin yerli hakimiyyət orqanları gəminin “cəmiyyətin dəyərləri və mənəvi normaları ilə uzlaşmayan davranışları ilə tanınan qruplar” tərəfindən icarəyə götürüldüyünü əsas gətirərək onun ölkə limanlarına girişinə icazə verməyiblər.Qərardan sonra kruiz gəmisinin marşrutu dəyişdirilib və o, Misir və Yunanıstandakı alternativ limanlara yönləndirilib. “Atlantis Events” şirkəti marşrut dəyişikliyinin özlərindən asılı olmayan səbəblərdən baş verdiyini açıqlayıb.
