Aysel Əlibəyli
22 Avqust 2026 · 12:03
1062 baxış
Təhlükəli manevr edən motosiklet sürücüsü qəza törədib, sərnişinin kaskasız olması diqqət çəkib
Elpress.az xəbər verir ki, Bakının Səbail rayonunda motosiklet sürücüsünün təhlükəli manevri qəza ilə nəticələnib.Hadisə Bibiheybət yolunda, “Jurnalistlər Binası”nın qarşısında qeydə alınıb. Hadisə anının görüntüləri yayılıb.Kadrlarda motosiklet sürücüsünün hərəkət zamanı təhlükəli manevr edərək dönməyə çalışdığı görünür. Motosikletdə olan sərnişinin isə qoruyucu kaskadan istifadə etmədiyi diqqət çəkib.Bu zaman hərəkətdə olan avtomobillə toqquşma təhlükəsi yaranıb. Avtomobil sürücüsünün vaxtında reaksiya verərək manevr etməsi nəticəsində hadisənin daha ağır nəticələrə səbəb olmadığı bildirilir.
