Rusiyadan Ermənistana 630 ton buğda və 36 ton propan yola salınıb
Elpress.az xəbər verir ki, Rusiyadan Ermənistana Azərbaycandan tranzit keçməklə növbəti yük tədarükü həyata keçirilib.Məlumata görə, Biləcəri dəmir yolu stansiyasından Ermənistana 9 vaqonda ümumilikdə 630 ton buğda və 1 vaqonda 36 ton propan göndərilib.Beləliklə, Rusiyadan Ermənistana Azərbaycan ərazisindən tranzit keçməklə həyata keçirilən yük daşımalarının həcmi daha da artıb. İndiyədək bu marşrutla Ermənistana 49 min tondan çox taxıl, 9 min tona yaxın gübrə, 1136 ton propan, 133 ton alüminium, 1114 ton kömür və 67 ton taxta göndərilib.Bundan əlavə, Azərbaycandan Ermənistana birbaşa müxtəlif yanacaq məhsullarının ixracı da həyata keçirilib. İndiyədək Ermənistana 15 min tona yaxın dizel yanacağı, həmçinin 5 min tona yaxın Aİ-92 və Aİ-95 markalı benzin göndərilib.
