Polis 67 cinayətin açılmasını təmin edib, 135 axtarışda olan şəxs tutulub
Elpress.az xəbər verir ki, Avqustun 28-də Azərbaycan ərazisində polis əməkdaşlarının keçirdiyi tədbirlər nəticəsində müxtəlif xarakterli cinayətlərin açılması və axtarışda olan şəxslərin saxlanılması təmin edilib.Daxili İşlər Nazirliyinin məlumatına görə, gün ərzində qeydə alınan 57 cinayət, həmçinin əvvəlki dövrlərdən bağlı qalan 10 hadisə açılıb.Polis tərəfindən axtarışda olan ümumilikdə 135 nəfər saxlanılaraq aidiyyəti qurumlara təhvil verilib. Onlardan 109 nəfərin borclu şəxs qismində axtarışda olduğu bildirilib.Keçirilən tədbirlər zamanı narkotik vasitələrin qanunsuz dövriyyəsi ilə bağlı 20, qanunsuz saxlanılan silah-sursatın aşkarlanması və götürülməsi üzrə isə 6 fakt müəyyən edilib.Həmçinin müxtəlif cinayətlərin törədilməsində şübhəli bilinən 48 nəfər saxlanılıb.
