Aysel Əlibəyli
08 İyun 2026 · 16:37
1082 baxış
İyunun 9-dan 12-dək gündüz saatlarında Azərbaycanın bəzi dağlıq və dağətəyi rayonlarında hava şəraitinin qeyri-sabit keçəcəyi, arabir yağıntılı olacağı və yağışların müəyyən ərazilərdə fasilələrlə davam edəcəyi proqnozlaşdırılır.
Proqnozlara əsasən, bəzi ərazilərdə yağıntıların qısamüddətli olsa da intensiv xarakter alacağı, şimşək çaxacağı və dolu düşəcəyi ehtimal edilir. Qeyri-sabit hava şəraitinin təsiri ilə çaylarda sululuğun artacağı gözlənilir. Eyni zamanda, ayrı-ayrı dağlıq ərazilərdən keçən çaylarda su səviyyəsinin yüksəlməsi nəticəsində qısamüddətli daşqın və sel hadisələrinin baş verməsi riski də istisna olunmur.
