Milli Hidrometeorologiya Xidməti iyulun 17-nə olan hava proqnozunu açıqlayıb
Elpress.az xəbər verir ki , Milli Hidrometeorologiya Xidməti iyulun 17-si üçün Azərbaycanda gözlənilən hava şəraiti ilə bağlı proqnozu açıqlayıb. Məlumata görə, ölkə ərazisində əsasən yağmursuz hava şəraiti hökm sürəcək, bəzi dağlıq və dağətəyi rayonlarda isə qısamüddətli yağıntı ehtimalı var.Bakıda və Abşeron yarımadasında havanın əsasən açıq keçəcəyi, mülayim şimal-qərb küləyinin əsəcəyi gözlənilir. Paytaxtda havanın temperaturu gecə 22–25, gündüz isə 30–35 dərəcə isti olacaq. Atmosfer təzyiqinin 756 mm civə sütunu, nisbi rütubətin isə gecə 70–75 faiz, gündüz 45–55 faiz təşkil edəcəyi bildirilir.Rayonlarda da əsasən yağmursuz hava müşahidə olunacaq. Lakin gündüz saatlarında bəzi dağlıq və dağətəyi ərazilərdə qısamüddətli yağış, leysan, şimşək və dolu ehtimalı var. Həmçinin bəzi dağlıq rayonlarda gecə və səhər saatlarında duman müşahidə ediləcək.Havanın temperaturu rayonlarda gecə 23–27, gündüz 34–38 dərəcə isti, dağlıq ərazilərdə isə gecə 14–18, gündüz 22–27 dərəcə isti olacaq.
