Böyük Britaniya hökuməti azyaşlıların internet üzərindən uyğun olmayan məzmun paylaşmasının qarşısını almaq məqsədilə texnologiya şirkətləri qarşısında yeni tələblər irəli sürüb.
Baş nazir Keir Starmer bildirib ki, şirkətlərə uşaqların elektron cihazlar vasitəsilə intim xarakterli görüntülər göndərməsi və qəbul etməsini məhdudlaşdıracaq təhlükəsizlik sistemlərini tətbiq etmək üçün üç ay vaxt verilib. Elpress.az xəbər verir ki, Qərara əsasən, apple.com�, google.com� və digər texnologiya şirkətləri müəyyən edilmiş müddətdə müvafiq tədbirləri həyata keçirməlidirlər.Rəsmi London xəbərdarlıq edib ki, tələblər yerinə yetirilməyəcəyi halda, bu mexanizmlərin məcburi tətbiqini nəzərdə tutan qanunvericilik təşəbbüsü irəli sürüləcək. Hökumət qaydalara əməl etməyən şirkətlərə qarşı maliyyə sanksiyalarının tətbiqini də istisna etmir.Bundan əlavə, açıqlamada vurğulanıb ki, son tədbir kimi qanunvericiliyin tələblərini pozan şirkət rəhbərlərinin hüquqi məsuliyyətə cəlb olunması məsələsi də gündəmdə ola bilər.
