Biləsuvar rayonunda paraplan vasitəsilə ölkəyə qaçaqmalçılıq yolu ilə gətirilən külli miqdarda narkotik aşkar edilib, bununla bağlı iki nəfər saxlanılıb.
Elpress.az-ın DİN Mətbuat xidmətinə istinadən verdiyi xəbərə görə, polis əməkdaşları tərəfindən ümumilikdə 47 kiloqram marixuana və tiryək, həmçinin 10 104 ədəd psixotrop tərkibli həb müsadirə edilib. Ötürülən lokasiya məlumatı əsasında narkotikləri əldə edən əvvəllər məhkum olunmuş 62 yaşlı Calal Qəhrəmanov və 35 yaşlı Rəşid Məmmədəliyev tutularaq Rayon Polis Şöbəsinə təhvil verilib. Araşdırmalar zamanı müəyyən olunub ki, hər iki şəxs həmin narkotikləri paytaxta gətirərək satışa çıxarmağı planlaşdırıb.
Faktla bağlı cinayət işi başlanılıb, məhkəmə hər iki şəxs barəsində həbs qətimkan tədbiri seçib. İstintaq davam etdirilir.
