Milli Məclisdə rəqəmsallaşma addımları: Süni intellektdən sui-istifadənin qarşısını almaq üçün qanunvericilik yenilənir
Elpress.az xəbər verir ki, Milli Məclisin deputatı Pərvanə Vəliyeva AZƏRTAC-a açıqlamasında bildirib ki, rəqəmsallaşma sahəsində qanunvericiliyin təkmilləşdirilməsi istiqamətində addımlar atılır. Bu çərçivədə vətəndaş müraciətlərinin elektronlaşdırılması, süni intellektin mənfi istifadəsinin qarşısının alınması üçün Cinayət və İnzibati Xətalar məcəllələrinə, eləcə də uşaqların rəqəmsal mühitdə qorunması məqsədilə “Uşaq hüquqları haqqında” Qanuna dəyişikliklər edilib.Deputat həmçinin Prezident İlham Əliyev tərəfindən təsdiqlənən 2025–2028-ci illər üzrə Süni İntellekt Strategiyasını xatırladaraq, əsas hədəflərdən birinin süni intellektdən etik istifadə qaydalarının hazırlanması olduğunu vurğulayıb. O, fiziki şəxslərin və özəl sektorun bu texnologiyadan müəyyən edilmiş etik çərçivədə yararlanmasının vacibliyini və normativ-hüquqi bazanın daha da təkmilləşdiriləcəyini qeyd edib.
