Aysel Əlibəyli
20 Sentyabr 2026 · 19:26
1012 baxış
Ayı balası gecə saatlarında küçədə sakinlərin kamerasına düşüb
Elpress.az xəbər verir ki, Zaqatala rayonunun Qazangül qəsəbəsində ayı müşahidə olunub.Rayon mərkəzinə yaxın ərazidə bir neçə gün əvvəl gecə saatlarında ayı balası küçədə yerli sakinlər tərəfindən telefonla görüntülənib. Sakinlərin sözlərinə görə, heyvan daha sonra dağlıq-meşəlik əraziyə qaçaraq gözdən itib.Qəsəbə sakinlərinin bildirdiyinə görə, sentyabrın ilk ongünlüyündə Qazangülün inzibati ərazisində yerli sakinlərdən birinin bağında da ayı görünüb.Qazangül qəsəbəsi Böyük Qafqaz dağlarının cənub ətəyində yerləşir. Ərazinin şimal-qərb hissəsi dağlıq və meşəlik sahələrdən ibarətdir.
