Azərbaycan və Avropa İttifaqı arasında yeni ikitərəfli saziş üzrə danışıqlar yenidən başlayıb.
Elpress.az APA-ya istinadən xəbər verir ki, bu barədə Aİ-nin Azərbaycandakı nümayəndəliyinin “X” sosial şəbəkə hesabında paylaşım edilib.Məlumatda bildirilib ki, tərəflər əməkdaşlığın 30 illiyinin qeyd olunduğu bir dövrdə Tərəfdaşlıq Prioritetləri sənədinin mətnini ilkin olaraq yekunlaşdırıblar və yeni ikitərəfli saziş üzrə danışıqların bərpası barədə qərar qəbul ediblər.Paylaşımda vurğulanıb ki, Aİ və Azərbaycanın əsas məqsədi siyasi dialoqun gücləndirilməsi, əlaqələrin genişləndirilməsi və iqtisadi əməkdaşlığın daha da inkişaf etdirilməsidir.Qeyd edək ki, Azərbaycan ilə Avropa İttifaqı arasında münasibətlərin inkişafı istiqamətində aparılan danışıqlar tərəfdaşlığın yeni mərhələyə keçidinə xidmət edir.
