Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyi bu ilin yanvar–aprel aylarında əlilliyi olan 5700 nəfəri ümumilikdə 271 min reabilitasiya vasitəsi ilə təmin edib.
Elpress.az-ın Qafqazinfo.az-a istinadən verdiyi məlumata əsasən, əlilliyi olan şəxslərin reabilitasiya vasitələri ilə təminatı geniş şəkildə həyata keçirilib və bu çərçivədə 644 təkərli oturacaq (o cümlədən 11-i mühərrikli), 870 protez, korset və müxtəlif ətraf vasitələri, 1500 ədəd əsa, qoltuqaltı və dirsəkaltı ağac, həmçinin 2785 cüt protez və ortopedik ayaqqabı, eləcə də 520 eşitmə aparatı təqdim olunub, eyni zamanda digər zəruri reabilitasiya vasitələri ilə də təminat aparılıb və mərkəzə gələ bilməyən şəxslərə bu vasitələr birbaşa evlərə çatdırılaraq verilib.
