WUF13 tədbiri ilə əlaqədar ayrılan xüsusi hərəkət zolaqlarına sabahdan daxil olan sürücülərə cərimə tətbiq ediləcək.
Elpress.az-ın Marja.az-a istinadən verdiyi məlumata əsasən, Birləşmiş Millətlər Təşkilatı-nın Ümumdünya Şəhərsalma Forumunun On Üçüncü Sessiyası (WUF13) ilə əlaqədar paytaxtın bəzi küçə və prospektlərində nəqliyyatın hərəkətinin tənzimlənməsi məqsədilə müvəqqəti xüsusi zolaqlar ayrılıb.Azərbaycan Yerüstü Nəqliyyat Agentliyi tərəfindən verilən açıqlamada bildirilib ki, həmin ərazilərdə 5.9 nömrəli — “ümumi istifadədə olan nəqliyyat vasitələri üçün zolaq” yol nişanlarının quraşdırılması işlərinə start verilib və mayın 15-dən etibarən bu nişanlarla göstərilən zolaqlar fəaliyyət göstərəcək.Müvəqqəti xüsusi hərəkət zolaqları Heydər Əliyev Prospekti, Aeroport şosesi, Abbasqulu ağa Bakıxanov küçəsi, Yusif Səfərov küçəsi, Mehdi Abbasov küçəsi, Mikayıl Əliyev küçəsi və Mikayıl Müşfiq küçəsini əhatə edir.Qanunvericiliyə uyğun olaraq həmin zolaqlar avtobus zolaqları statusu daşıyacaq və müəyyən olunan müddət ərzində ora daxil olan digər nəqliyyat vasitələrinin sürücüləri barəsində cərimə tədbiri görüləcək.Forum başa çatdıqdan sonra isə müvəqqəti quraşdırılan nişanların söküləcəyi və zolaqların yenidən bütün nəqliyyat vasitələrinin istifadəsinə açılacağı qeyd olunub.
