Bu gün Azərbaycan xalqının qürur mənbəyi olan Silahlı Qüvvələrimizin yaranmasının ildönümüdür. Elpress.az saytı kollektivi olaraq 26 İyun – Azərbaycan Silahlı Qüvvələri Günü münasibətilə Vətənimizin müstəqilliyi, ərazi bütövlüyü və təhlükəsizliyi uğrunda xidmət göstərən bütün hərbi qulluqçuları, veteranları və şəhid ailələrini səmimi qəlbdən təbrik edirik.
Azərbaycan Ordusu bu gün regionun ən güclü ordularından biri kimi dövlətimizin qüdrətini nümayiş etdirir. Ordumuzun qəhrəman əsgər və zabitləri Vətən müharibəsində göstərdikləri şücaətlə xalqımızın şanlı tarixini yazaraq torpaqlarımızın azadlığını təmin etdilər.
Bu əlamətdar gündə Azərbaycanın suverenliyi və təhlükəsizliyi naminə xidmət edən bütün hərbçilərimizə möhkəm can sağlığı, şərəfli fəaliyyətlərində yeni uğurlar arzulayırıq. Şəhidlərimizin əziz xatirəsini dərin ehtiramla yad edir, qazilərimizə minnətdarlığımızı bildiririk.
