Mamuka Barataşvili Azərbaycan, Gürcüstan və Türkiyə arasında əməkdaşlığın əhəmiyyətini vurğulayıb
Elpress.az xəbər verir ki, Azərbaycan, Gürcüstan və Türkiyə arasında gömrük sahəsində əməkdaşlığın inkişafına həsr olunan üçtərəfli görüş keçirilib.Gürcüstan Gəlirlər Xidmətinin rəhbəri, maliyyə nazirinin müavini Mamuka Barataşvili Göygöldə keçirilən tədbir çərçivəsində jurnalistlərə açıqlamasında görüşün ölkələr arasında əməkdaşlıq baxımından əhəmiyyətli olduğunu bildirib.O, Azərbaycan, Gürcüstan və Türkiyəni birləşdirən dostluq münasibətlərinə və uzunmüddətli tarixi əlaqələrə diqqət çəkib.Barataşvili üçtərəfli görüşün səmərəli keçdiyini, aparılan müzakirələrin əməkdaşlığın daha da inkişaf etdirilməsi baxımından mühüm rol oynadığını qeyd edib.Gürcüstan rəsmisi tədbirin təşkilinə görə Azərbaycana və Dövlət Gömrük Komitəsinin sədri Şahin Bağırova təşəkkürünü bildirib.
