Aysel Əlibəyli
25 İyun 2026 · 23:38
12 baxış
Elpress.az xəbər verir ki, Dünya Bankı Ukraynaya ümumilikdə 3,39 milyard dollar məbləğində kredit və qrant ayıracaq.
Bu barədə Ukraynanın Baş naziri Yuliya Sviridenko teleqram kanalında məlumat verib. Onun sözlərinə görə, ayrılan vəsait dövlət büdcəsinin prioritet istiqamətlərinin maliyyələşdirilməsinə və ölkədə makroiqtisadi sabitliyin qorunmasına sərf olunacaq.
Maliyyə paketinə Böyük Britaniya və Yaponiyanın zəmanəti ilə təqdim edilən 1,04 milyard dollarlıq kredit, eləcə də “F.O.R.T.I.S. Ukraine FIF” fondu çərçivəsində ayrılan 2,35 milyard dollarlıq qrant daxildir.
Ukrayna hökuməti hesab edir ki, bu maliyyə dəstəyi ölkənin iqtisadi dayanıqlığının möhkəmləndirilməsində və dövlət öhdəliklərinin yerinə yetirilməsində mühüm rol oynayacaq.
