ABŞ Prezidenti Donald Tramp İranla bağlı hərbi əməliyyatların gələcəkdə genişləndirilə biləcəyini istisna etməyib. O, mümkün zərbənin ABŞ-da keçiriləcək aralıq seçkilərindən sonra həyata keçirilə biləcəyini bildirib.
Elpress.az xəbər verir ki, Tramp bu barədə “TIME” jurnalına müsahibəsində danışıb.
ABŞ liderindən İrana qarşı hərbi əməliyyatların ölkəsində keçiriləcək aralıq seçkilərindən sonra genişləndirilib-genişləndirilməyəcəyi soruşulub. Tramp suala “Mümkündür. Bizim çoxlu silahımız var” cavabını verib.
Müsahibə zamanı jurnalist Trampa ötən həftə İranı “məhv edə biləcəyini” söylədiyini də xatırladıb. Tramp həmin fikrini təsdiqləyərək bunun mümkün olduğunu bildirib.
ABŞ Prezidenti İranın məhv edilməsinin dünyada sülh yaradacağı barədə fikrini də səsləndirib. O, İranla sülhün mümkün olduğuna inanmadığını deyib.
