Venesuelada baş verən dağıdıcı zəlzələlərdən sonra ABŞ humanitar yardım və axtarış-xilasetmə əməliyyatlarına dəstək məqsədilə bölgəyə genişmiqyaslı hərbi qüvvə cəlb edib.
Elpress.az xəbər verir ki, ABŞ Müdafiə Nazirliyi Venesuelada baş verən güclü zəlzələlərin nəticələrinin aradan qaldırılması və zərərçəkənlərə yardım göstərilməsi məqsədilə təxminən 2 min hərbçini bölgəyə göndərib. Əməliyyata cəlb olunan qüvvələr quruda, havada və dənizdə fəaliyyət göstərərək humanitar missiyanı dəstəkləyirlər.ABŞ Silahlı Qüvvələrinin Cənub Komandanlığının rəhbəri, general Frensis Donovan bildirib ki, hərbçilər hər gün axtarış-xilasetmə əməliyyatlarında iştirak edir, eyni zamanda zərərçəkən əhaliyə humanitar yardımların çatdırılmasını təmin edirlər. Onun sözlərinə görə, ABŞ qüvvələri missiya tam başa çatana qədər Venesuelada fəaliyyətini davam etdirəcək.Venesuela hakimiyyətinin açıqladığı son məlumatlara əsasən, iyunun 24-də baş verən iki güclü zəlzələ nəticəsində 2295 nəfər həyatını itirib, 11 min 200-dən çox insan yaralanıb. Xilasetmə qrupları indiyədək dağıntılar altından 6461 nəfəri sağ çıxarmağa nail olub.Hazırda təxminən 30 min nəfər evsiz qaldığı üçün müvəqqəti sığınacaqlarda yerləşdirilib. Bölgədə axtarış-xilasetmə və humanitar yardım əməliyyatları davam etdirilir.
