Ukrayna lideri “Starlink” xidmətinin Rusiya ərazisində istifadəsi ilə bağlı danışıqlara 10-a yaxın dünya liderinin qoşulduğunu bildirib
Elpress.az xəbər verir ki, Ukrayna Prezidenti Vladimir Zelenski Ukrayna ordusunun ehtiyacları üçün “Starlink” xidmətinin Rusiya ərazisində aktivləşdirilməsi ilə bağlı beynəlxalq səviyyədə danışıqlar aparıldığını açıqlayıb.Zelenskinin sözlərinə görə, bir sıra Avropa liderləri amerikalı milyarder İlon Maskı və ABŞ Prezidenti Donald Trampı Ukrayna ordusunun sözügedən xidmətdən istifadəsinə razı salmağa çalışırlar.Ukrayna Prezidenti bildirib ki, Fransa Prezidenti Emmanuel Makron və Finlandiya Prezidenti Aleksandr Stubb bu istiqamətdə aparılan danışıqlara dəstək veriblər. Onun sözlərinə görə, ümumilikdə prosesə təxminən 10 dünya lideri cəlb olunub.Qeyd edək ki, İlon Maskın Ukraynaya “Starlink” xidmətindən Rusiya ərazisinin dərinliklərinə zərbələr endirmək məqsədilə istifadəyə icazə vermədiyi bildirilir.
