Çinin Quansi Çjuan Muxtar Rayonunda qeydə alınan 5,2 bal gücündə zəlzələ nəticəsində 7 mindən artıq sakin təhlükəsizlik məqsədilə ərazidən təxliyə olunub.
Bu barədə Nanfang Ribao qəzeti xəbər yayıb. Bildirilir ki, hadisədən sonra üç nəfərin taleyi hələ də naməlum olaraq qalır.
Yeraltı təkanlar nəticəsində azı 13 yaşayış binası ciddi şəkildə zərər görüb, dörd nəfər isə müxtəlif xəsarətlərlə xəstəxanaya çatdırılıb. Hazırda xilasedicilər bölgədə axtarış və xilasetmə işlərini davam etdirirlər.
Çin Zəlzələ Administrasiyası hadisə ilə bağlı fövqəladə reaksiya sistemində üçüncü səviyyəli xəbərdarlıq elan edib. Qeyd olunur ki, bu sistemdə birinci səviyyə ən yüksək təhlükə mərhələsi sayılır.
Zəlzələ mayın 18-nə keçən gecə Liuzhou şəhərinin Liunan rayonunda baş verib. Yeraltı təkanların ocağı 8 kilometr dərinlikdə yerləşib. Təxminən 4 milyondan çox əhalisi olan şəhərdə təhlükəsizlik tədbirləri gücləndirilib.
