Azərbaycanda hərbi xidmət müddətinin azaldılması və ödənişli hərbi xidmətin tətbiqi hazırda gündəmdə deyil.
Elpress.azxəbər verir ki, Bu barədə Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəisi, general-mayor Mürsəl İbrahimov APA İnformasiya Agentliyinə və REAL televiziyasına müsahibəsində bildirib.
General qeyd edib ki, hərbi xidmət müddətinin azaldılması məsələsi ilk növbədə silahlı birləşmələrlə razılaşdırılmalıdır, çünki hərbi hazırlıq prosesini məhz onlar həyata keçirirlər.
Onun sözlərinə görə, çağırışçıların daha qısa müddətdə zəruri hərbi bilik və bacarıqlara yiyələnməsinin mümkün olduğu təqdirdə bu məsələ müzakirəyə çıxarıla bilər.
Mürsəl İbrahimov əlavə edib ki, hazırkı mərhələdə nə hərbi xidmət müddətinin azaldılması, nə də ödənişli hərbi xidmət modelinin tətbiqi ilə bağlı hər hansı müzakirə aparılmır.
