Rusiya Xarici İşlər Nazirliyi Ermənistanın NATO ilə keçirdiyi hərbi təlimlərə dair açıqlama verib.
Rusiya Xarici İşlər Nazirliyinin sözçüsü Mariya Zaxarova Ermənistanın ərazisində keçirilən “Qartal tərəfdaş-2026” beynəlxalq hərbi təlimlərində NATO ölkələrinin iştirakını şərh edib.Zaxarova bildirib ki, Moskva bu cür təlimlərə mənfi yanaşır və hesab edir ki, onların məqsədi Ermənistanın Rusiyadan uzaqlaşdırılmasıdır. Onun sözlərinə görə, NATO ilə keçirilən hərbi manevrlər artıq davamlı xarakter alıb.Rusiya rəsmisi iddia edib ki, təlimlər zamanı Rusiyanın mümkün rəqib kimi nəzərdən keçirildiyi görünür. O, Ermənistan hərbçilərinin NATO standartlarına uyğun hazırlığının Moskva üçün narahatlıq doğurduğunu qeyd edib.Zaxarova əlavə edib ki, əvvəlki dövrlərdə Ermənistan və Rusiya arasında mövcud münasibətlər fonunda belə bir vəziyyəti təsəvvür etmək çətin idi.
