Aysel Əlibəyli
26 İyun 2026 · 18:29
1076 baxış
Elpress.az xəbər verir ki, elm və təhsil naziri Emin Əmrullayevin əmri ilə Mirzə Mirzəyev Bakı Dövlət Universitetinin maliyyə-təsərrüfat işləri üzrə prorektoru təyin edilib.
Bildirilib ki, Mirzə Mirzəyev bu təyinata qədər universitet rektorunun maliyyə və inzibati məsələlər üzrə müşaviri vəzifəsini icra edib.
Qeyd edək ki, sözügedən vəzifəni daha əvvəl Nəbi Ramazanlı tuturdu. O, bir müddət əvvəl vəzifəsindən ayrılıb.
Xatırladaq ki, Mirzə Mirzəyev 2021-ci ilin iyul ayında BDU-nun əsas binasında baş vermiş insident zamanı universitetin komendantı Şahlar Bəgalıyev ilə birlikdə bıçaqlı hücuma məruz qalmış və müxtəlif xəsarətlər almışdı.
