Aysel Əlibəyli
26 İyun 2026 · 23:15
1082 baxış
Elpress.az Anadolu Agentliyinə istinadən xəbər verir ki, Türkiyə kinosunun tanınmış simalarından, “Yeşilçam”ın əfsanəvi aktyoru Kadir İnanır 77 yaşında dünyasını dəyişib.
Məlumata görə, uzun müddətdir müalicə alan sənətçi müalicə olunduğu xəstəxanada vəfat edib.
Türk kinosunun ən sevilən aktyorlarından biri hesab edilən Kadir İnanır uzun illər ərzində canlandırdığı unudulmaz obrazlarla milyonlarla tamaşaçının rəğbətini qazanıb və Türkiyə kinematoqrafiyasının inkişafına mühüm töhfələr verib.
Sənətkarın vəfat xəbəri sənət ictimaiyyətində və pərəstişkarları arasında dərin kədər hissi ilə qarşılanıb.
