Elpress.az xəbər verir ki, müdafiə naziri, general-polkovnik Zakir Həsənov iyunun 26-da Prezidentin sərəncamı ilə ali hərbi rütbə verilən hərbi qulluqçularla görüş keçirib.
Tədbirdə Azərbaycan Prezidenti, Silahlı Qüvvələrin Ali Baş Komandanı İlham Əliyevin 25 iyun 2026-cı il tarixli sərəncamı və müdafiə nazirinin müvafiq əmri oxunub. Daha sonra bir qrup zabitə “general-mayor” ali hərbi rütbəsi təqdim edilib.
General-polkovnik Zakir Həsənov dövlət başçısının təbriklərini yeni rütbə alan hərbi qulluqçulara çatdıraraq onlara gələcək xidmətlərində uğurlar arzulayıb, qarşıda duran vəzifələrlə bağlı tapşırıq və tövsiyələrini verib.
Təltif olunan zabitlər isə göstərilən yüksək etimada görə Prezident İlham Əliyevə və Müdafiə Nazirliyinin rəhbərliyinə təşəkkürlərini ifadə edərək, bu etimadı layiqincə doğruldacaqlarını bildiriblər.
