ABŞ Xəstəliklərə Nəzarət və Profilaktika Mərkəzləri (CDC) Mərkəzi Afrikada sürətlə yayılan Ebola epidemiyası ilə bağlı narahatlıq doğuran ciddi xəbərdarlıq yayıb, virusun yayılma riskinin artdığı və beynəlxalq səviyyədə əlavə tədbirlərin görülməsinin vacibliyi vurğulanıb.
ABŞ Xəstəliklərə Nəzarət və Profilaktika Mərkəzlərinin (CDC) modelləşdirmə proqnozlarına əsasən, təcili və effektiv müdaxilə tədbirləri görülməzsə, Mərkəzi Afrikada Ebola virusuna yoluxma hallarının 10–20 min nəfərə qədər yüksələ biləcəyi ehtimal olunur. Mütəxəssislər hazırkı epidemioloji vəziyyətin 2014–2016-cı illərdə Qərbi Afrikada baş vermiş və 28 mindən çox yoluxma, 11 mindən artıq ölüm ilə nəticələnmiş Ebola epidemiyasına oxşarlıq göstərdiyini bildirirlər.Afrika Xəstəliklərə Nəzarət və Profilaktika Mərkəzlərinin məlumatına əsasən, indiyədək regionda təxminən 400 yoluxma və 63 ölüm faktı qeydə alınıb, epidemiyanın isə “Bundibugyo” ştamı ilə əlaqəli olduğu müəyyən edilib. Bildirilir ki, bu virus növünə qarşı hələlik təsdiqlənmiş spesifik peyvənd və ya müalicə vasitəsi mövcud deyil.Eyni zamanda, Konqoda davam edən silahlı qarşıdurmalar və genişmiqyaslı əhali köçləri virusun yayılmasının qarşısının alınmasını daha da çətinləşdirir. Mütəxəssislər yoluxmuş şəxslərin vaxtında aşkarlanaraq təcrid olunmasının və nəzarət tədbirlərinin gücləndirilməsinin epidemiya ilə mübarizədə həlledici rol oynadığını vurğulayırlar.Alimlər proqnozların müəyyən qədər qeyri-müəyyənlik ehtiva etdiyini qeyd etsələr də, mövcud vəziyyətin ciddi təhlükə yaratdığını və təxirəsalınmaz, koordinasiyalı tədbirlərə ehtiyac olduğunu xüsusi olaraq diqqətə çatdırırlar.
