Aysel Əlibəyli
21 İyul 2026 · 13:28
22 baxış
Elpress.az xəbər verir ki, Bakının Yasamal rayonunda fəaliyyət göstərən “Vital Hospital” barədə sosial şəbəkələrdə yayılan iddialarla bağlı araşdırmalara başlanılıb.
Məlumata görə, xəstəxanada ölü doğulan körpənin zirzəmiyə atıldığına dair yayılan görüntülər və iddialar Səhiyyə Nazirliyinin Analitik Ekspertiza Mərkəzinin diqqətinə çatdırılıb.
Qurumun açıqlamasında bildirilib ki, məsələ ilə bağlı araşdırma aparılır və hüquq-mühafizə orqanları məlumatlandırılıb. Hazırda hadisənin bütün təfərrüatlarının araşdırıldığı qeyd olunub.
Xəbərdə yer alan məlumatlar hazırda araşdırma predmetidir. Rəsmi qurumların yekun nəticəsi açıqlanacağı təqdirdə, əlavə məlumat təqdim ediləcək.
