Elpress.az xəbər verir ki, yeni tədris ilinin başlamasına sayılı günlər qalmış Bakıdakı məktəblərin ətrafında yol hərəkətinin təhlükəsizliyinin təmin olunması istiqamətində tədbirlər artırılıb.
Bakı Şəhər Dövlət Yol Polisi İdarəsi və Azərbaycan Yerüstü Nəqliyyat Agentliyinin (AYNA) birgə məlumatına görə, xüsusilə təhsil müəssisələrinin yerləşdiyi ərazilərdə yol şəraiti nəzarətə götürülüb.Tədris ilinin başlanması ilə həmin ərazilərdə avtomobil və piyada sıxlığının artacağı nəzərə alınaraq, yol hərəkətinin təşkili vəziyyəti araşdırılır, nişanlar və yol nişanlanmaları yoxlanılır.Məktəblərin qarşısındakı piyada keçidləri, yol nişanları və digər texniki vasitələrin vəziyyətinə də xüsusi diqqət yetirilir. Aşkarlanan çatışmazlıqların aradan qaldırılması üçün müvafiq tədbirlər görülür.
Görülən işlərin əsas məqsədi şagirdlərin məktəbə gedib-gəlməsi zamanı yol təhlükəsizliyinin təmin edilməsidir.
