Elpress.az xəbər verir ki, Türkiyədə keçirilən “Anadolu Qartalı-2026” beynəlxalq taktiki-uçuş təlimində iştirak edən Azərbaycan Hərbi Hava Qüvvələrinin nümayəndə heyəti təlim proqramını başa vuraraq Vətənə qayıdıb.
Təlim çərçivəsində Azərbaycan Respublikası müdafiə nazirinin müavini – Hərbi Hava Qüvvələrinin komandanı, general-leytenant Namiq İslamzadə şəxsi heyətlə görüşərək təlimin gedişi və qarşıya qoyulan tapşırıqların icrası ilə tanış olub.
Azərbaycan heyətinin rəhbəri, polkovnik Zaur Məmmədov təlimin nəticələri barədə məruzə edib.Səfər zamanı general-leytenant Namiq İslamzadə Türkiyə Hərbi Hava Qüvvələrinin komandanı, ordu generalı Ziya Cemal Kadıoğlu ilə görüş keçirib.
Tərəflər hərbi aviasiya sahəsində əməkdaşlığın mövcud vəziyyəti, birgə təlimlərin əhəmiyyəti, qarşılıqlı təcrübə mübadiləsi və gələcək əməkdaşlıq istiqamətlərini müzakirə ediblər.Komandanlar, həmçinin təlim fəaliyyətini havadan izləyib, daha sonra sərgidə nümayiş etdirilən müasir hərbi texnika və silah nümunələri ilə tanış olublar.
Təlimdə Azərbaycan hərbi qulluqçularının nümayiş etdirdiyi peşəkarlıq yüksək qiymətləndirilib. Səfərin başa çatmasının ardından nümayəndə heyəti Azərbaycana qayıdıb.
