Azərbaycan Prezidenti İlham Əliyev ilə Rusiya Prezidenti Vladimir Putin arasında telefon danışığı baş tutub.
Elpress.az xəbər verir ki, Prezidentin Mətbuat Xidmətinin yaydığı məlumata əsasən, telefon söhbəti zamanı dövlət başçıları iki ölkə arasında əməkdaşlığın hazırkı vəziyyəti və beynəlxalq gündəmdə yer alan aktual məsələlər ətrafında fikir mübadiləsi aparıblar.Danışıq zamanı Azərbaycan və Rusiya arasında müxtəlif istiqamətlər üzrə qarşılıqlı əlaqələrin davamlı inkişaf etdiyi vurğulanıb.
Həmçinin hökumətlər və aidiyyəti qurumlar arasında dialoqun aktiv şəkildə davam etdirildiyi qeyd olunub.Prezidentlər ikitərəfli münasibətlərin gələcəkdə də qarşılıqlı hörmət və əməkdaşlıq prinsipləri əsasında inkişaf etdirilməsində maraqlı olduqlarını ifadə ediblər.
Bu baxımdan mövcud tərəfdaşlığın daha da genişləndirilməsi istiqamətində fikir birliyi nümayiş etdirilib.
