Bakıda sağlamlıq turizminin inkişaf perspektivləri beynəlxalq müzakirə mövzusuna çevrilib.
Elpress.az xəbər verir ki, səhiyyə naziri Anar Bayramov 3-cü Beynəlxalq Sağlamlıq Turizmi Konfransının açılış mərasimində iştirak edib.
Dövlət Turizm Agentliyinin təşkilatçılığı ilə keçirilən tədbir müxtəlif ölkələrdən dövlət qurumlarının, tibb müəssisələrinin, turizm sektorunun nümayəndələrini və beynəlxalq ekspertləri bir araya gətirib.
Konfransın əsas hədəfi Azərbaycanın tibbi turizm və sağlam yaşam turizmi imkanlarını xarici bazarlarda tanıtmaq, bu sahədə beynəlxalq təcrübə mübadiləsini genişləndirmək və yeni tərəfdaşlıqların qurulmasına şərait yaratmaqdır.
Tədbirdə Almaniya, Avstriya, Böyük Britaniya, Türkiyə və digər ölkələrdən nümayəndələr iştirak ediblər.
