Azərbaycan Prezidenti İlham Əliyev Mərakeş Krallığının milli bayramı münasibətilə Kral VI Məhəmmədə təbrik məktubu göndərib.
Elpress.az xəbər verir ki, dövlət başçısı məktubunda Mərakeş xalqına səmimi təbriklərini və ən xoş arzularını çatdırıb.
Prezident İlham Əliyev Azərbaycan ilə Mərakeş arasında dostluq münasibətlərinin tarixi əsaslara söykəndiyini vurğulayaraq, iki ölkə arasında əməkdaşlığın gələcəkdə də uğurla inkişaf edəcəyinə əminliyini ifadə edib.
Məktubda qeyd olunub ki, qarşılıqlı faydalı əlaqələrin genişləndirilməsi və dostluq münasibətlərinin daha da möhkəmləndirilməsi istiqamətində birgə səylər bundan sonra da davam etdiriləcək.
Dövlət başçısı Kral VI Məhəmmədə möhkəm cansağlığı, fəaliyyətində uğurlar, Mərakeş xalqına isə əmin-amanlıq və rifah arzulayıb.
