Aysel Əlibəyli
28 İyul 2026 · 13:22
1102 baxış
Bakıda müşahidə olunan güclü küləkli hava şəraiti növbəti xoşagəlməz hadisəyə səbəb olub.
Elpress.az xəbər verir ki, paytaxtın yaşayış məhəllələrindən birində güclü küləyin təsirindən iri ağac budağı qırılaraq küçə ilə hərəkət edən qadının üzərinə düşüb.İlkin məlumata görə, hadisə nəticəsində qadın müxtəlif bədən xəsarətləri alıb.
Bildirilir ki, onun qolunda sınıq aşkarlanıb və zərərçəkənə hadisə yerində ilkin tibbi yardım göstərildikdən sonra xəstəxanaya çatdırılıb.
Qeyd edək ki, son günlər ölkə ərazisində müşahidə olunan güclü külək səbəbindən ağacların aşması və budaqların qırılması halları artıb. Mütəxəssislər vətəndaşlara küləkli hava şəraitində iri ağacların altında dayanmamağı və ehtiyatlı olmağı tövsiyə edirlər.
