2021-ci il iyunun 15-də Azərbaycanın mədəniyyət paytaxtı Şuşada imzalanan “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” iki qardaş ölkə arasında münasibətlərin yeni mərhələyə yüksəlməsini təmin edib.
Elpress.az Azərtac- a istinadən xəbər verir ki, bu fikirləri Milli Məclisin deputatı Fatma Yıldırım açıqlamasında səsləndirib.Deputatın sözlərinə görə, Azərbaycan Prezidenti İlham Əliyev və Türkiyə Prezidenti Recep Tayyip Erdoğan tərəfindən imzalanan sənəd strateji tərəfdaşlığı müttəfiqlik səviyyəsinə yüksəldərək siyasi, iqtisadi, enerji, nəqliyyat, müdafiə və digər sahələrdə əməkdaşlıq üçün möhkəm hüquqi baza yaradıb.O bildirib ki, bəyannamənin əsas istiqamətlərindən biri müdafiə və təhlükəsizlik sahəsində əməkdaşlığın dərinləşdirilməsidir. Bu, regionda sabitliyin qorunmasına, ölkələrin müdafiə potensialının güclənməsinə və təhlükəsizliyin təmin olunmasına xidmət edir.Deputat qeyd edib ki, sənəddə iqtisadi əməkdaşlıq, o cümlədən nəqliyyat-kommunikasiya layihələri və Zəngəzur dəhlizinin reallaşdırılması ilə bağlı hədəflər regionun iqtisadi xəritəsinin yenidən formalaşmasına töhfə verir.Fatma Yıldırım vurğulayıb ki, işğaldan azad edilmiş ərazilərin bərpasında Türkiyə şirkətlərinin fəal iştirakı da Şuşa Bəyannaməsinin praktiki nəticələrindən biridir. Onun sözlərinə görə, bu tarixi sənəd Azərbaycan-Türkiyə qardaşlığının əbədi və sarsılmaz birliyini təsdiqləyən mühüm strateji manifestdir.
