Ümumdünya Şəhərsalma Forumu şəhərsalma, dayanıqlı urbanizasiya, müasir memarlıq və mənzil siyasəti sahəsində dünyanın ən nüfuzlu beynəlxalq platformalarından biri hesab olunur. Bu tədbir çərçivəsində hökumət nümayəndələri, beynəlxalq qurumlar, ekspertlər, alimlər və biznes dairələri təhlükəsiz, komfortlu və davamlı şəhər mühitinin formalaşdırılması istiqamətində fikir mübadiləsi aparırlar.
Nazirin sözlərinə görə, forumun “Hamı üçün mənzil: təhlükəsiz və dayanıqlı şəhərlər və icmalar” mövzusu müasir dövrdə urbanizasiya prosesləri, innovativ tikinti texnologiyalarının tətbiqi və insanların əlçatan mənzillə təmin olunması kimi vacib məsələləri əhatə edir.
Elpress.az-ın Azərtac-a istinadən verdiyi məlumata əsasən, O bildirib ki, forum Belarusun şəhərsalma və tikinti sahəsində əldə etdiyi təcrübənin beynəlxalq səviyyədə təqdim olunması, həmçinin peşəkar əməkdaşlığın genişləndirilməsi baxımından mühüm əhəmiyyət daşıyır.
Aleksandr Studnev əlavə edib ki, Belarusun bu forumda iştirakı ölkəsinin davamlı inkişaf, beynəlxalq tərəfdaşlıq və vətəndaşların rifahının yüksəldilməsi istiqamətində həyata keçirdiyi siyasətə sadiqliyini nümayiş etdirir.
