Ermənistan XİN rəhbəri sazişin ratifikasiyası ilə bağlı parlament müzakirələrində iştirak edəcək
Elpress.az xəbər verir ki, Ermənistanın xarici işlər və beynəlxalq ticarət naziri Ararat Mirzoyan ABŞ ilə TRIPP regional nəqliyyat layihəsi üzrə sazişin ratifikasiyası məsələsində hökumətin parlamentdəki nümayəndəsi təyin olunub.Müvafiq qərar Ermənistan Baş nazirinin müavini Mqer Qriqoryan tərəfindən imzalanıb. Qərara əsasən, Mirzoyan Milli Məclisdə TRIPP sazişinin ratifikasiyası ilə bağlı qanun layihəsinin müzakirəsi zamanı hökuməti təmsil edəcək.Ermənistan və ABŞ arasında TRIPP layihəsi üzrə çərçivə sazişi iyunun 4-də ABŞ dövlət katibi Marko Rubio və Ararat Mirzoyan tərəfindən imzalanıb.Ermənistan hökuməti isə iyul ayında həmin sazişin ratifikasiyasına dair qanun layihəsini təsdiqləyib.
