Aysel Əlibəyli
08 Avqust 2026 · 15:46
1046 baxış
Müdafiə Nazirliyi hərbi diplomatların illik iclasını keçirib: Hesabatlar dinlənilib, təsərrüfat və xatirə kompleksi ziyarətləri olunub
Elpress.az xəbər verir ki, Müdafiə Nazirliyinin fəaliyyət planına əsasən, Azərbaycanın xarici ölkələrdəki səfirlikləri nəzdində fəaliyyət göstərən hərbi attaşe və nümayəndələrinin illik iclası təşkil edilib. Beynəlxalq Hərbi Əməkdaşlıq İdarəsinin rəisi general-mayor Elçin Abdullayevin çıxışı ilə başlayan tədbirdə hərbi diplomatların hesabat məruzələri dinlənilib və növbəti dövr üzrə tapşırıqlar verilib. Proqram çərçivəsində iştirakçılar Müdafiə Sənayesi Nazirliyinin “İqlim” Elmi-İstehsalat Müəssisəsinin istehsal imkanları ilə tanış olub, sonda Zəfər parkını ziyarət ediblər.
