İlin əvvəlindən banklardakı struktur likvidlik profisiti 2,2 dəfə artıb
Elpress.az xəbər verir ki, Azərbaycan bank sektorunda izafi likvidliyin həcmi əhəmiyyətli dərəcədə artıb.2026-cı ilin avqust ayının sonuna bank sektorunun struktur likvidlik profisiti 6,3 milyard manat təşkil edib. Bu göstərici məcburi ehtiyat kimi saxlanılan vəsaitlər nəzərə alınmadan hesablanıb.İlin əvvəlindən etibarən izafi likvidliyin həcmi 2,2 dəfə yüksəlib.Likvidliyin artması fonunda banklararası pul bazarında təminatsız əməliyyatlar üzrə faizlərdə azalma müşahidə olunub. AZIR dərəcəsinin orta günlük göstəricisi iyul ayında 6,39 faiz, avqustda 6,28 faiz, sentyabrın ötən dövründə isə 6,02 faiz olub.Likvidliyin tənzimlənməsi məqsədilə əsasən 7 günlük depozit əməliyyatlarından istifadə edilir. Avqustun sonuna bu əməliyyatların payı açıq bazar əməliyyatları üzrə sterilizasiya portfelinin strukturunda 70,8 faizə çatıb.Bundan əlavə, Mərkəzi Bankın not portfelinin həcmi də ilin əvvəlindən əhəmiyyətli dərəcədə artıb. Avqustun sonuna portfelin həcmi 2025-ci ilin sonu ilə müqayisədə 4 dəfədən çox yüksəlib.
