ABŞ dövlət katibi Marco Rubio Vaşinqtonun İrana qarşı hərbi əməliyyatların yenidən gündəmə gəlməsi ehtimalını istisna etmədiyini açıqlayıb.
O, bu fikirləri India Today telekanalına müsahibəsində səsləndirib.Rubio bildirib ki, ABŞ Prezidenti Donald Trump İranın nüvə silahı əldə etməsinin qarşısını almaq üçün bütün vasitələrdən istifadə etməyə hazır olduğunu açıq şəkildə bəyan edib.Onun sözlərinə görə, Vaşinqton məsələnin diplomatik yollarla həllinə üstünlük verir və hazırda bütün imkanlardan yararlanmağa çalışır.Rubio qeyd edib ki, danışıqlar nəticəsiz qalacağı halda, ABŞ prezidentinin alternativ addımlar atmaq imkanları da mövcuddur.“Ancaq biz belə ssenarinin reallaşmasını istəmirik. Prioritetimiz problemi diplomatik yolla həll etməkdir və bu istiqamətdə fəaliyyətimizi davam etdirəcəyik”, – deyə o vurğulayıb.
