Maqdalena Qrono: Minatəmizləmə və mədəni irsin qorunması əsas istiqamətlərdəndir
Elpress.az xəbər verir ki, Avropa İttifaqının Cənubi Qafqaz üzrə xüsusi nümayəndəsi Maqdalena Qrono Azərbaycanın sülh prosesində Aİ-nin mümkün dəstəyi ilə bağlı müzakirələrin aparıldığını bildirib.Qrono diplomatik korpusun Qarabağ və Şərqi Zəngəzura səfəri çərçivəsində jurnalistlərə açıqlamasında qeyd edib ki, hazırda Azərbaycan hökumətinə, ölkəyə və xalqa sülhə doğru gedən prosesdə ən yaxşı şəkildə necə dəstək göstərilə biləcəyi müzakirə olunur.Onun sözlərinə görə, sülh prosesi tərəflərin rəhbərliyi ilə həyata keçirilir və Aİ bu yanaşmaya hörmət edir. Bununla yanaşı, qurum hər iki hökumətə və ölkəyə praktiki istiqamətlərdə dəstək göstərməyə hazırdır.Aİ nümayəndəsi xüsusilə minatəmizləmə sahəsində əməkdaşlığın əhəmiyyətini vurğulayıb. O bildirib ki, bu istiqamətdə görülən işlər insanların təhlükəsiz şəkildə öz evlərinə qayıtması üçün əlverişli şəraitin yaradılmasına kömək edir.Qrono həmçinin münaqişənin nəticələrinin aradan qaldırılması ilə bağlı bir sıra məsələlərin həllini gözlədiyini diqqətə çatdırıb. Onun sözlərinə görə, mədəni və tarixi irsin qorunması da davamlı sülhün təmin edilməsində mühüm amillərdən biridir.
