Elmira Əliyeva ərini ov tüfəngi ilə qətlə yetirib meyitini evinin həyətində basdırıb
Elpress.az xəbər verir ki, Bakı Ağır Cinayətlər Məhkəməsində ərini qətlə yetirməkdə təqsirləndirilən Elmira Əliyevanın cinayət işi üzrə məhkəmə prosesi başa çatıb.Hakim Səbinə Məmmədzadənin sədrliyi ilə keçirilən iclasda hökm elan olunub. Hökmə əsasən, Elmira Əliyeva 12 il müddətinə azadlıqdan məhrum edilib.İttihama görə, hadisə 2024-cü ilin dekabrında Sabunçu qəsəbəsində baş verib. 1985-ci il təvəllüdlü Samir Əliyevin itkin düşməsi ilə bağlı ailə üzvləri dekabrın 24-də polisə müraciət ediblər.Aparılan əməliyyat-istintaq tədbirləri nəticəsində Samir Əliyevin həyat yoldaşı Elmira Əliyeva tərəfindən ov silahından istifadə edilməklə öldürüldüyü müəyyənləşdirilib. Araşdırma zamanı meyitin yaşadıqları evin həyətində basdırıldığı, qəbrin üzərinə isə güllər əkildiyi məlum olub.Elmira Əliyevaya Cinayət Məcəlləsinin qəsdən adam öldürməni nəzərdə tutan 120.1-ci maddəsi ilə ittiham irəli sürülüb.
