Aysel Əlibəyli
22 Oktyabr 2026 · 17:42
1014 baxış
Albaniyada hökumət əleyhinə etirazlar fonunda gərginlik parlamentə də sıçrayıb. Deputatlar arasında fiziki qarşıdurma yaşanıb.
Elpress.az xəbər verir ki, oktyabrın 22-də Tiranada baş verən insident zamanı parlamentdə müxalifət nümayəndələrinin baş nazir Edi Ramanın istefasını tələb etməsi ilə gərginlik artıb. Qarşıdurma zamanı stulların atıldığı bildirilir.
Qeyd edək ki, ölkədə tələbələrin də qoşulduğu hökumət əleyhinə etirazlar korrupsiya iddiaları, təhsil sahəsində problemlər və iş imkanlarının azlığı ilə bağlı narazılıqlar fonunda davam edir. Etirazçılar baş nazirin istefasını tələb edirlər.
