Kitab qədim macar və türk xalqlarının birliyinə və dillərinin ortaq köklərinə əsaslanır; zamanla yaranan fərqlərə baxmayaraq, müəllif bu iki dilin qədim yaxınlığını yenidən üzə çıxarmağa çalışır.
Türk Dövlətləri Təşkilatının Ağsaqqallar Şurasının üzvü, tanınmış ictimai-siyasi xadim Həsən Həsənov bildirib ki, ilkin mərhələdə onun araşdırmaları bütün alimlər tərəfindən qəbul olunmasa da, o, dilçiliyin elmi prinsiplərinə əsaslanaraq azərbaycanlılarla macarları birləşdirən çoxsaylı sözlərin qohumluğunu sübut etməyə nail olub. Onun sözlərinə görə, bəzi tədqiqatçılar bu leksik oxşarlıqları yalnız Osmanlı dövründə macar dilinə keçmiş təsirlər kimi qiymətləndirsələr də, aparılan elmi təhlillər göstərib ki, həmin sözlər macar dilində daha qədim dövrlərdən mövcuddur. Bu fikirləri o, bu gün Türk Mədəniyyəti və İrsi Fondunda təqdimatı keçirilən “Macar-Azərbaycan ortaq etnik kökləri” kitabının təqdimatında səsləndirib.
