Azərbaycan Dövlət Akademik Milli Dram Teatrı yeni mövsümdə tamaşaçılarını bir sıra maraqlı layihələr və səhnə əsərləri ilə sevindirməyi planlaşdırır.
Elpress.az xəbər verir ki, bunu teatrın direktoru İlham Əsgərov bildirib.Onun sözlərinə görə, kollektiv artıq yeni mövsümün hazırlıq prosesinə başlayıb. Repertuarın zənginləşdirilməsi, yeni tamaşaların hazırlanması və yaradıcı layihələrin həyata keçirilməsi əsas prioritetlər sırasında yer alır.
İlham Əsgərov qeyd edib ki, qarşıdakı mövsümdə həm klassik, həm də müasir dramaturgiya nümunələrinin səhnələşdirilməsi, eləcə də tamaşaçı auditoriyasının daha da genişləndirilməsi istiqamətində mühüm addımlar atılacaq.
Teatr rəhbəri vurğulayıb ki, yeni mövsümün əsas məqsədi sənətsevərlərə yüksək səviyyəli tamaşalar təqdim etmək və Milli Dram Teatrının yaradıcılıq imkanlarını daha da inkişaf etdirməkdir.
