Şəhərdə bayram tədbirləri, konsert proqramı və atəşfəşanlıq təşkil edilib
Elpress.az xəbər verir ki, Sentyabrın 20-də Azərbaycanda Xankəndi, Xocalı, Xocavənd və Ağdərə şəhərlərinin günləri qeyd olunur.Bu münasibətlə Xocavənddə Şəhər Günü ilə bağlı tədbir keçirilib. Tədbir Prezidentin Ağdam, Füzuli və Xocavənd rayonlarında Xüsusi Nümayəndəliyi ilə Mədəniyyət Nazirliyinin birgə təşkilatçılığı ilə baş tutub.Bayram proqramı çərçivəsində uşaqlar üçün ustad dərsləri, yaradıcılıq və maarifləndirici vorkşoplar, üz boyama, interaktiv oyunlar və müxtəlif əyləncələr təşkil olunub. Uşaqlar üçün “Şəngülüm-Şüngülüm” tamaşası da nümayiş etdirilib.Gün ərzində Xocavənd Şəhəri Gününə həsr olunan konsert proqramı da keçirilib. Proqramda tanınmış incəsənət nümayəndələri çıxış edib, müxtəlif musiqi və bədii nömrələr təqdim olunub.Axşam saatlarında bayram münasibətilə Xocavənd şəhərində atəşfəşanlığın keçirilməsi nəzərdə tutulub.
